jueves, 13 de febrero de 2014

Bando

Prohíbese, por orde da Alcaldía,
que medren porque si
as rosas do xardín municipal.
Dende agora as pombas teñen
que pedir licencia pra voar.
Prohíbeselle á lúa
andar ceiba de noite polo ceo.
A lúa é unha tola que anda espida
dando mal exempro ás nenas castas
i os fillos de familia.
Pagarán trabucos os poetas.
Prohíbese soñar de 10 a 11.
Prohíbese tamén derramar bágoas.
Pódese chocar tan só cando hai sequía
pra que non fiquen baldeiros os pantanos.
Un só se pode emocionar
os Xoves e Domingos
cando toca
a Banda do Concello no quiosco.
Están fora de Lei
as estrelas, a Primaveira,
as flores i os paxaros.
Dase este bando en tal e cual
para que secumpra
de orde do Alcalde.
Firmado e rubricado.

Manuel María: Documentos personaes (1958)

Versións:
A Quenlla: Bando do Alcalde; Europolis’88; 1988; Cara B, Corte 6



A Quenlla: Bando do alcalde; Terra; 1992; Pista 15

(Reedición da versión do disco Europolis'88, do ano 1988)




Uxía Senlle: Bando; Andando a terra. Uxía canta a Manuel María; 2013; Pista 10



A Quenlla: Bando do Alcalde; 17 canciones de troula; 2006; Pista 08

(Reedición da versión do disco Europolis'88, do ano 1988)

No hay comentarios :

Publicar un comentario