domingo, 18 de junio de 2017

Como viste o crepúsculo á mazaira

Tan lila como a seda entre os teus bucles
tan leda como ti trabas a lingua
disténdome escribindo estes poemas
que xurden das olladas dos sorrisos
dos líquidos triunfantes sobre a vida.

A imaxen que gravaches no meu peito
é de coral marfil ébano nácar
que vexo azul cobalto ou mar contigo:
ti levas lila seda entre os teus bucles
como viste o crepúsculo á mazaira.

Claudio Rodríguez Fer: Historia da lúa (1984)

Versións:
Aurora López e Teresa Luján: Como viste o crepúsculo á mazaira; Saloucos. 15 poetas da terra nai; 1999; Pista 15

No hay comentarios :

Publicar un comentario