domingo, 20 de mayo de 2018

Inda nacen nenos

INDA nacen nenos
naceo IRIA GALA
inda nacen nenos

ALAGAIRI
IRIAGALA

con calqueras letras faise unha palabra
mais a verba a verba
leva todo un pobo leva todo o tempo

IRIA
GALA

o mazairo roxo deu frores en agosto
entre mazás feitas frores novas
entre GALICIAS unha nena
entre onte
entre hoxe e sempre

e hai máis sinales
hai días así con nebras máis limpas e ledas que o azul

i é que nacen nenos
inda nacen nenos
anque ún xa é valumbo
valumbo que me leva onde non son tanta cousa tanto
          alleo mundo

e por qué me queixo?
por qué un poema verdadeiro sempre é triste?

conózote HISTORIA anque esta nena estete desmentindo

DANZA-MALLA do mosquicio no curral

a ollar dende os ollos das vacas fago pedrafita diste intre
pra que teñas un sitio onde parar
cando tamén ti sepas que o tempo é algo a contar cara tras
e digas:
o FUTURO só é un sitio desd’onde ollar pra hoxe

                                1974

Uxío Novoneyra: Do Courel a Compostela (1988)

Versións:
Uxío Novoneyra: Inda nacen nenos; Do Courel a Compostela; 2010; Pista 2

No hay comentarios :

Publicar un comentario